Fast and furious 6

யுனிவர்ஸல் ஸ்டூடியோவில் சில பல வருடங்களுக்கு முன்னால். பெரியண்ணாச்சி மற்றும் சின்னணாச்சி டிஸ்கஷன்.

பெ: - பெரியண்ணாச்சி. சி – சின்னண்ணாச்சி.

சி: அண்ணே, புதுசா ஒரு பட்த்துக்கு ஸ்டுடியோவில செட் கேக்குறாங்க. ரொம்ப நெறைய எடம் வேணுமாம், 500 கோடி பட்ஜெட் போல அப்படியே நாமளே டிஸ்ட்ரிபியூஷன் பண்ணிரலாம்னு சொல்றாங்க.

பெ: அது சரி, யாரு நடிக்குறா? யாரு டைரக்‌ஷன்?

சி: அது எதோ பெரிய எடம் போல, டீடைல்ஸ் சொல்ல மாட்ராய்ங்க.

பெ: சரி சரி, என்ன எழவோ, டிஸ்ட்ரிபியூஷன் பத்தி அப்புறம் பாதுக்கலாம் மொதல்ல செட்ட வாடகைக்கு விடு. அதுக்கப்புறம் மத்ததை பேசிக்கலாம்.

சி: அங்க தான் பிரச்சனை, நாம போன படத்துக்காண்டி வாங்குன கார்லாம் நெரயா இருக்கு. எல்லாம் காஸ்ட்லி காரு, எடைக்குக் கூட போட முடியாது.

பெ: அடப்பாவி, சரி என்ன பண்ணலாம்?

சி: அது தான் எனக்கும் தெரியல!!

பெ: ஏய்! அந்த நீல் மோரிட்ஸ் பயலை கூப்புடு, அவன் ரேஸ் கார் படமா எடுப்பான்ல. 5 படம் வந்துருச்சு, ஆறாவத எடுக்க சொல்லிருவோம்.

சி: சூப்பர் ஐடியா அண்ணே!!

அடுத்ததாக அண்ணன் நீல் ஸ்டுடியோ வருகை மற்றும் படத்துவக்கம்.

பெ: வாங்க தம்பி.

நீல்: வணக்கம்ணே, அடுத்த படம் எடுக்க கூப்டீங்களாம்ல.

பெ: ஆமாம்பா, அந்த ஃபாஸ்ட் அண்ட் ஃப்யூரியஸ்ல அடுத்த படம் எடுதுறலாமா?

நீல்: சரிண்ணே பண்ணிரலாம், கதைய துபாய்க்கு எடுத்துட்டுப் போய்ரலாம்னு இருக்கோம்.

பெ: நோ, நோ இங்கிலாந்துக்குப் போய்டு. அங்க நமக்கு நெறய காரு இருக்கு, உன் வேல படத்துல எல்லாத்தயும் யூஸ் பண்ணுற. முடிஞ்சா ஒடைச்சு போட்டுரு.

நீல்: சரிண்ணே.

பெ: அப்புறம் இந்த படம் ஓடுச்சுன்னா அடுத்து நீ துபாய் போகலாம். ஒண்ணும் பிரச்சனை இல்லை. அதே போல அந்த ஜப்பான்காரன் இந்த படத்துல இருக்கானா?

நீல்: ஆமாண்ணே. ராக், வின் டீஸல், பால் வாக்கர் எல்லாரும் நீங்க போன வாட்டி சொன்னாப்புல அந்த புள்ள மிஷேல் ரோட்ரிக்ஸயும் சேர்த்துக்கிடாச்சு.

பெ: சரி சரி, அடுத்த படத்துல ஜப்பான் காரன தூக்கிடு. இங்கிலாந்துன ஒடனே தான் நெனவுக்கு வருது, அந்தூருல ஒருத்தன் நல்லா காரு ஓட்டுவானே. அதான்பா அவன் ஒரே ஆளா காரு மட்டுமே ஓட்டி படத்த ஓட்டுவானே அவனையும் சேத்துக்க வேண்டியதுதான.

நீல்: ஜேஸன் ஸ்டாத்தம் தான சொல்றீங்க சேர்த்துகிடலாம், அவரையே இந்த படத்துல காமியோ வர வெச்சு ஜப்பான் காரன தூக்கிடலாம்.

பெ: சூப்பர் பா, காரையெல்லாம் நாளைக்கே ஒடைக்க ஆரம்பிச்சுரு.

நீல்: என்னது?

பெ: அதான் பா, ஷூட்டிங் சீக்கிரமே ஆரம்பிச்சுருன்னு சொன்னேன். (நல்ல வேளை உண்மை தெரியல, படத்துக்கு படம், காருக்கு காரு, காசுக்கு காசு, பெரியண்ணன் ஹேப்பி.)

அதே நேரத்தில் ஜஸ்டின் லின் கைப்பேசியில்,

ஜ: ஹலோ நீல், மச்சி, ஒரு வழியா யுனிவர்சல் காரனுங்கள ஏமாத்தி காரை வாங்கிட்ட போல, நெறையா காரு இருக்கு என்ன சொன்ன ராசா. இந்த வாட்டி எல்லாத்தையும் பத்திரமா குடுத்துருவோம்.

நீல்: போடா டேய், அவனுங்க காரை உடைக்குறதுக்குத் தான் குடுத்துருக்காய்ங்க. இத்த உடைச்சா தான் அடுத்த படம் தருவாய்ங்களாம்.

ஜ: சரி, காப்பாத்துறது தான் கஷ்டம், உடைக்குறது சப்பை மேட்டர். காரை எடுக்குறோம் உடைக்குறோம்.

இவ்வாறாக தொடங்கப்பட்டது தான் Fast and Furious 6. 

டிஸ்கி: இப்பதிவு பால் வால்கருக்கு சமர்ப்பணம்.